19

ഇ​രി​ട്ടി: കു​ട​ക് ജി​ല്ല​യി​ലെ കു​ശാ​ൽ ന​ഗ​റി​നു സ​മീ​പം പ്ര​വ​ർ​ത്തി​ക്കു​ന്ന ദു​ബാ​രെ ആ​ന​ക്യാ​മ്പി​ൽ ആ​ന​ക​ൾ ത​മ്മി​ലു​ണ്ടാ​യ പോ​രി​നി​ടെ മ​രി​ച്ച ത​മി​ഴ്നാ​ട് സ്വ​ദേ​ശി​നി​യു​ടെ ക​ണ്ണു​ക​ൾ ബ​ന്ധു​ക്ക​ൾ ദാ​നം ചെ​യ്തു. മ​രി​ച്ച ത​മി​ഴ്നാ​ട് ചെ​ന്നൈ പ​ല്ല​വാ​രം സ്വ​ദേ​ശ​നി ജി​മ്മു ഏ​ലി​യാ​സ് ജു​നാ​ഷി​ന്‍റെ (33) ക​ണ്ണു​ക​ളാ​ണ് ഭ​ർ​ത്താ​വ് ജോ​യ​ൽ കു​ട​ക് ഇ​ൻ​സ്റ്റി​റ്റ്യൂ​ട്ട് ഓ​ഫ് മെ​ഡി​ക്ക​ൽ സ​യ​ൻ​സ​സി​ന് കൈ​മാ​റി​യ​ത്.

ഭാ​ര്യ ന​ഷ്ട​പ്പെ​ട്ട ദുഃ​ഖ​ത്തി​നി​ട​യി​ലും ക​ണ്ണി​ല്ലാ​ത്ത​വ​ർ​ക​ക്ക് ത​ന്‍റെ ഭാ​ര്യ​യു​ടെ ക​ണ്ണു​ക​ൾ പ്ര​കാ​ശം ന​ൽ​ക​ട്ടെ എ​ന്നാ​ണ് കു​ട​ക് ഇ​ൻ​സ്റ്റി​റ്റ്യൂ​ട്ട് ഓ​ഫ് മെ​ഡി​ക്ക​ൽ സ​യ​ൻ​സ് അ​ധി​കൃ​ത​ർ​ക്ക് നേ​ത്ര​ദാ​നം ന​ൽ​കു​ന്പോ​ൾ ജോ​യ​ൽ പ​റ​ഞ്ഞ​ത്. മ​രി​ച്ച ജു​നാ​ഷി​യു​ടെ കു​ടും​ബ​ത്തി​ന് ക​ർ​ണാ​ട​ക വ​നം - പ​രി​ത​സ്ഥി​തി മ​ന്ത്രി ഈ​ശ്വ​ർ ബി​ഖ​ദ്രെ 20 ല​ക്ഷം രൂ​പ ന​ൽ​കു​മെ​ന്ന് പ്ര​ഖ്യാ​പി​ച്ചു. ദു​ബാ​രെ ആ​ന​ക്യാ​മ്പി​ൽ ജു​നാ​ഷ് ഉ​ൾ​പ്പ​ടെ​യു​ള്ള വി​നോ​ദ സ​ഞ്ചാ​രി​ക​ൾ ആ​ന​ക​ൾ കു​ളി​ക്കു​ന്ന​ത് ക​ണ്ടു​കൊ​ണ്ടി​രി​ക്കെ കു​ങ്കി​യാ​ന​യാ​യ ‘കാ​ഞ്ച​ൻ’ ‘മാ​ർ​ത്താ​ണ്ഡ’ എ​ന്ന കു​ങ്കി​യാ​ന​യെ പെ​ട്ടെ​ന്ന് ആ​ക്ര​മി​ക്കു​ക​യാ​യി​രു​ന്നു.

കാ​ഞ്ച​ന്‍റെ കു​ത്തേ​റ്റ് മാ​ർ​ത്താ​ണ്ഡ വീ​ണ​പ്പോ​ൾ ജു​നാ​ഷ് ആ​ന​യ്ക്ക് അ​ടി​യി​ൽ പെ​ടു​ക​യാ​യി​രു​ന്നു. ദു​ബാ​ര​യി​ൽ സ​ഞ്ചാ​രി​ക​ളെ ആ​ന​യോ​ട് ചേ​ർ​ന്ന് ഇ​ട​പ​ഴ​കാ​ൻ അ​നു​വ​ദി​ക്കാ​റു​ണ്ടാ​യി​രു​ന്നു. ഇ​താ​ണ് ജു​നാ​ഷ് ഉ​ൾ​പ്പ​ടെ​യു​ള്ള​വ​ർ ആ​ന​ക​ളു​ടെ ഏ​റ്റ​വും അ​ടു​ത്തേ​ക്ക് എ​ത്താ​നി​ട​യാ​ക്കി​യ​ത്. അ​തി​നി​ടെ ആ​ന​ക​ളു​ടെ പോ​രി​ൽ സാ​ര​മാ​യി പ​രി​ക്കേ​റ്റ് ചി​കി​ത്സ​യി​ലാ​യി​ര​ന്ന മാ​ർ​ത്താ​ണ്ഡ എ​ന്ന ആ​ന ച​രി​ഞ്ഞു.